今天在廣州街頭...看到了一家蘭州拉面...不自覺地就走了住去...點了個炒拉面...嘗着那種味道...發覺跟上海所吃到的差很遠...面煮得太爛...配菜沒有味道...牛肉老到不行...唉...失望...我可是吃了整整一個學期的炒拉面呀...這種水平...一個字...差到爆...

 

來到老遠的廣州...為什么...還是會去吃那個吃了整整半年的蘭州拉面?

 

我所尋找的...是哪種熟悉的味道.......還是...那段日子的回憶呢...

2007年7月7日...這樣的一個日子...我離開了上海...回到澳門了...四年下來...剩下的就只有回憶了...

今天...唯一一次出現傷感的情況...是在出租車上...忽然很想哭...我本來以為自己在走的一刻一定會哭很久...結果...沒有想像中的傷感...或者是睡得不夠...一切來得太快...令我忘了悲傷...或許...從7月3日...搬離301開始...我己經適應悲傷了吧...7月3日...301到202...凌亂的301...是四年來最冷清的場境...不過...在我以為要我自己面對一切的時候...小初回來了一個上午...我們也忙了一個上午...到學校辦好一切的手續...正式畢業了...下午...把一切搬離我的301...不過也是沒預期中的悲傷...因為...我還是能偷偷的回去...在202c整理好一個地方...算是可以容身...然後...開始跟wayne and jacky的幾天生活...有點像偷渡客...每天不敢出門...在等人送飯...7月4日...外面一直下着雨...到下午才停住了...一個人躲在陰暗的房間...不知道心中在想什么...等待着跟小余去k歌...心情好像好轉了...晚上到他家玩...然後再回到202...大家都在看書...而我...就一個人在不能開燈的房間...2點多...跟他們最後一次去阿康宵夜...真的...最後一次了...7月5日算是忙的一天...去了學校...頤高...然後跟eagle...michelle等吃飯...然後...跟eagle去新天地轉了一圈...也是...最後一次了吧...這樣的一個地方...四年來...都沒有變...不知道下次我回來時...又會是什么樣子...然後回到宿舍...跟eagle聊了很久...好像...四年來都沒試過呢...始終是臨別丫...7月6日...跟一群不太熟的朋友打算去烏鎮...不過...下刪一萬字...不想詳談...回到來...收拾一切...等等離開的來臨...晚上睡得不好...心中不安穩...不過有一點一直使我感動的...是wayne的一句無意的話...我:唉...那群阿姨...都不管人家死活..硬是要迫我搬...那我睡馬路好了...wayne:我會讓你睡馬路?....這樣的一句話...或許對他來說只是無意的...但對於我...心中感動萬分...因為這四年下來...我還有朋友會在我要幫助時給我伸手...他們...都不會讓我睡馬路...那一刻...我再沒有遺憾

今天...是在301的最後一天了...所有事情好像還沒有整理好...我還是想一拖再拖...不想去處理離別的事...五隻羊說...選擇最後離去的人...是最堅強的人....而我卻相反...我永遠堅強不起來...明天...後天...往後幾天...我又會怎樣了...

2007年月1日9點13分

揮手告別301的最後一個人...大門關上了...意味着301最後只剩下我一個了...四年前來的時候是我一個...四年後...走的時候...也只有我自己一個...剩下的是零亂的房間和...一堆要處理的離校手續...

在大門關起來的一刻...強忍在眼中的淚水終於忍不住流了下來...

這一刻...我要收拾的...倒底是行李還是...我的心情...或許是明天...我也要離開這個住了四年的"家"了...

面對着他們一個個的離開...我只有強裝出那張笑臉...裝作若無其事...因為我知道...誰也不想要那種離別的傷悲吧...

每一個人...最後的工作都放到我手上...我口中答應了...心中卻不想幫忙...

不是因為怕麻...或許只是想大家都回來辦的話...可以...再一次聚在一起吧

討厭現在的感覺...那怕只是剩下幾天...我也不想要這種感覺...那種孤單...誰也不想要.....

這幾天心情好多了...除了還是拋不開離別的傷感外...

這半個月...跟前三個月的平淡...差了很多...

不時的聚會...縱然是高興...卻一直接醒着.....

在上海的時間己經開始倒數了.....還是不願意接受...

離開這個事實...

平淡的悲傷...

6月2號的聚會...再一次在大伙兒面前哭了...

不過...這好像是第一次我在03市營面前哭吧...

雖然我一直是個愛哭的人...

6月3日...同房回來了...再一次...這個再一次...好像己距離上一次很遠了

一起到男生宿舍...不過剩下的人已不多了...

大群男生...一起毫無拘束的聊天...很久沒試過了吧...

男生聊天好像如何也少不了酒...

這幾次聚會...好像將四年來欠下他們的...都還清了...

不過今天大家都沒喝很多...

除了一個...我那感性的同房...這次...流淚的是他...

四年下來...好像是第一次吧...就算跟x分手...好像我也沒有看到這一幕...

誰說過...離別是為了下一次的重聚...這次分開後...下次見面...已是遙遙無期了吧...

無論如何...他們...都在大家的心中吧...永遠...

或許有一天...大家在笑聲中說再見...而剩下的...就只有那平淡的悲傷....

 

 

今朝起身...踩上個鎊度...嚇然發現...53kg.....唔係呱...尋日仲係55 ga wor...有冇搞錯...以為自己眼花...落地...上多次...指針指到好正咁...53kg...我比一年前輕左10kg....=.=.......我呢排己經日日食好多野...見乜都唔停口...晚晚一個人食兩個人ge份量(雖然後來都會嘔返出黎...)不過...發生咩事...懷疑係個鎊壞左...當冇事發生...點知今晚出去食飯...好鬼大風...係條街度...第一次覺得俾d風吹住黎行...><唔係講笑...返黎果時頂住d風...都幾吃力...先覺悟...原來我真係得返53kg...同63kg的分別就係...63kg可以係強風中穩如泰山.........

5月22日...讀左四年大學...呢日係一個好重要的日子...人生第一次着學士袍...影畢業相...好多人...好開心...多謝longlong,牛牛,inin同ella...兩大束花...令到我成為全場最搶眼...最幸福的人...仲有好遠黎到ge斌斌...同埋成班師弟妹...thx alot...不過到最後...佢都係始終冇出現...或者...以後真係只可以成為--最熟悉的陌生人...什至只是...........陌生人...因為...我越來越唔了解佢...什至...開始懷疑緊自己ge記憶...我到底有冇...認識過呢個人

真係好耐好耐冇打blog了...唔知點解...呢一個月黎都係提唔起勁...或者...係覺得冇乜值得記低...或者呢段日子的回憶對我黎講跟本冇意義...因為...從由濟南返黎之後...我一直都失去左意識...浮游係現實生活入面...冇左自己...在上海的日子已經開始倒數了...我依然是漫無目的地過着無聊的生活...偶爾的聚會...為生活帶來一點點的色彩...日夜顛倒的生活...令我皮膚變差了...心情變差了...運氣變差了...連看這個世界也變差了...好像沒有負擔...卻又像在逃避現實...去留的抉擇...家中的事...感情事...還是一蹋糊塗...這...又是傭人自擾吧...

這個晚上...還是睡不着...與其對着黑夜...不如下來...把電腦開了...但又想不起可以做什么...

今天看到舞的blog...如此一個毫無關係的人...怎么現在的感覺又那么相像...如此容易感到寂寞的人...卻有執意不要人陪...我倒低怎么了...不是一直討厭自己一個人吃飯嗎...怎么今天大家都在了...都叫我一起去吃飯...而我偏偏自己留在宿舍...哽着面包...一個人在感慨什么...

ian說...我要克服沒人能永遠在我身邊的事實...zoe說...我要學會去享受現在擁有的一切...而我...什么時候才可以克服...什么時候才可以學會...什么時候才可以珍惜...我想要的...到底是什么...或者...只是想可以好好的睡一覺...

    半夜除左俾d狗仔嘈醒下之外...都訓得唔錯...第朝九點幾就起左身...出口門...老闆經己係度嘆緊茶...= =...咁早ge...我又坐低傾兩句...問下因乜對面條鳳來送子橋會有兩邊...仲要一邊有樓梯,一邊係斜路...原來..."送子"係送子觀音個送子,唔係送走個仔....= ="同埋...分兩邊係因為男左女右...想要仔定女...自己決定咁wor....失覺晒...我...好似左上右落wor....咁會送咩呢...

    十點幾...退房...跟住打算再去行下...食個飯就返屋企啦...本來以為尋晚經己行晒西塘...點知...原來西塘真係深不可測...北面的卧龍橋同東面的燒香港(巷!?滴緊汗...點解要燒香港...唔通香港人係西塘做左壞事?)我都完全未行過...其實尋日黎到西塘...經己發現有人係度寫生...不過就比北京香山見到的少...點知今朝行的時候...周圍都見到三五成群的人在寫生...可能係因為尋晚我黎到時己經係下午...d人走晒...因為西塘的早上的確比尋日靚好多...河面上仲有水汽...好似落完雨咁...真係果種矇查查的感覺...好有詩意...而d藝術家就係為左呢種詩意...一早黎到西塘...橋頂...河面...小弄...無處不在...小弟我唔係好識欣賞d畫...不過...見到佢地...自己都覺得自己有d藝術氣質...哈...佢地係畫家...而我...係一個流浪的攝影師+流動乞兒.....

    行到燒香港(巷)...發生左d小插曲...有一個...似係啞的婆婆係一間雜貨鋪前想買野...本來我都冇乜在意...不過當我行過左之後...聽到個老闆娘好大聲咁話過婆婆...由旅佢講上海話...我唔係好聽得明...不過好似係話唔做佢生意...咁我好奇心之下就回頭望下...個婆婆攞住好多張一毫子...唔知想買乜咁...個老闆娘就趕佢走...我於是上前問下...個老闆娘話個婆婆想買兩件蛋糕總值兩蚊咁大把...不過婆婆全身得1.9元...同埋呢1.9元係....19張一毫子...= =...唉....大佬...一毫子啫...我成日跌左都唔會執返....><所以我幫婆婆俾錢買左兩件蛋糕...再買左枝野飲俾佢...因為干啃好辛苦...加埋用左5蚊咁大把...跟住我再張老闆娘找俾我的45蚊俾左婆婆...叫佢食好d...不過...佢好似聽唔明我講乜...淨係攞住d錢...眼濕濕...好似好感動咁...跟住我為乜避免呢d感動的場境...掉頭就走...冇再望返轉頭...繼續我的trip....無疑呢件事影響了我的心情...亦影響了我做流動乞兒的志願...-_-''

    一路行...行到尋日聽d遊客話好出名的"天下第一面"走左入去...試下先...其實...好似...有d....唔係好第一的感覺...佢好大程度上係一碗用油浸住的面...我唔係好慣...食完面...我又行返中心地帶...永寧橋...哇...乜多左咁多遊客...咦....係wor...今日係星期五啦wor...唉...人多又再一次影響我的心情...所以打算去食個飯就走了...不過...係我去食飯之前...再一次經過尋晚間粉蒸肉...今次有得食了...好似荷葉飯...又唔係...佢全部都係面粉同肉...都幾ok ga...跟住再一次去到老品芳...今次叫左尋晚想食又冇叫的鹽水蜆同埋老鴨雲吞煲再加個椒鹽南瓜...個蜆...幾鮮...不過唔知點解...我會覺得佢有海鮮味...呢度唔係淨係得河鮮咋咩...跟住個雲吞煲...大到我食唔晒...d湯幾好飲...d鴨...有新鮮鴨加臘鴨...真係...好食...呢餐...仲平過尋晚...26蚊再一次飽到上心口...食飽了...行返客棧...同老闆講聲再見...跟住就離開西塘了...西塘的人給我的感覺真的很好...除左果個雜貨鋪老闆娘.....我去到果時...本來係去依水閤住...點知果度冇臨河房...個老闆就介紹左我去我住果度...佢地唔似其他商家咁...同行如敵國...而係好似工作伙伴...什致真係隔離鄰舍咁互相幫助...真係好好......有機會我會再返黎的....^^

 

 

總結...今次用左幾多錢...交通費...行去江灣鎮唔使錢...輕軌到上海南站...6蚊...南站到嘉善汽車費25...(火車都得...仲平d...不過我搵唔到個站)...嘉善到西塘公交車...4大元...到了...門口有個阿叔話...可以手三輪車帶我入去...唔使買門票...30大元...我冇講價...應該唔使咁多...跟住去到住...從120講到100...點知後來老闆話...原來三輪車帶客黎...佢地係要俾回佣...如果唔係...收我80都得...豆腐花2蚊...臭豆腐5蚊...黃酒5蚊...田雞5蚊...酒釀圓子5蚊...粉蒸肉5蚊...天下第一面7蚊...食飯兩餐加埋...29+26=55蚊...放水燈3蚊*5=15蚊...俾婆婆...50...回程交通費...3蚊+24蚊+6蚊...總數為...6+25+4+30+100+2+5+5+5+5+5+7+55+15+50+3+24+6=352...不過我諗兩過人去都係差唔多咁上下...因為間房係for兩個人...我叫d餸都係for兩個人...交通費...唔差得幾多...

 

最後奉勸大家一句...唔好俾d三輪車叔叔呃...因為套票係60蚊...淨係門票就30...套票可以睇入面的博物館...而家我俾左三十蚊佢...佢送我入去...但我冇得睇博物館...即係等於我用三十蚊買左門票...但係...佢所有的博物館...都係要有門票先可以買入場卷...所以我入唔到...即係...我被騙了...

    上回講到由老品芳一出黎...己經天都黑齊...燈籠都全部着晒啦...西塘最美的一面就在我面前了...本來想往卧龍橋方向行下...不過又真係幾黑...都係聽日先行...行返去永寧橋果邊...源河賞燈...涼風撲面...河上有遊客坐住小艇觀光...佢係河上睇...我就在岸上睇...不同的角度唔知睇到的有咩唔同呢...行到臭豆腐門口...見到有人賣水燈(大家知唔知係咩黎...)...有五種顏色...代表了健康,財富,愛情,事業同學業....細佬我係呢五樣野上面又真係幾難抉擇...所以決定...每樣色一盞丫唔該....哈....跟住係河邊放水燈許願...十足拍戲咁...仲引來不少人圍觀映相(映d燈...唔係映我)...d人個個都話靚...但自己又硬係唔肯買黎放...唔通人地放果d特別靚?

    源住河邊行...行到環秀橋...坐係橋上...望住河上來往的小艇...感覺好好...最衰今晚冇月亮...不過就顯得d星星特別光同大...好耐未試過咁放鬆...行到九點幾...有dd累啦...就返去客棧啦...沖個涼...又坐係河邊飲下茶...吹下風...對面岸不時有村姑出黎拉下二胡唱下歌...河上亦不時有人表演捕魚...同老闆傾下計...講下上海的繁忙同呢度的悠閒...望住其他遊客一班人夜遊西塘...我得自己一個...唔夠膽...= =...十一點幾...返入房...訓下張雕花大床...深夜...周不時會有狗吠...呢個係最大的問題..................><

係呢個等天黑之餘,我開始遊覽下西塘的境色,古老的大街,源路有阿婆叫賣熏青豆,西塘特色塌餅(一舊好似糯米包的野...不過佢太醜樣...我冇試),仲有豬蹄,扎肉,糭.....大街行盡...黎到西塘最中心的地方永寧橋,橋腳有個伯伯係度賣豆腐花...本來都預左呢度d豆腐花有咸同甜之分...不過佢仲特別...佢加辣椒漿...好有特色...仲好滑tim...食完豆腐花...行過永寧橋...源住岸邊一直行經過一間賣粉蒸肉的鋪頭...想入去試下咩叫粉蒸肉...好可惜...今日有電視台黎拍廣告...明天請早...=.=...跟住又見到間"三味臭豆腐"....(again!?)都入去試下...反正而家都有d餓...食落同紹興的差唔多...佢都有紹興d黃酒同埋茴香豆...不過佢仲有樣特色野...熏田雞....(.\/.)我驚wor...從來都唔食...不過...老細話好有特色...叫我試下...咁就叫左啦...三大隻...個樣好得人驚...我俾晒力....咬左兩口...個味唔錯...跟住就......俾錢...行出門口啦....^^食唔落...再源路一直行...黎到我之前望到的鳳來送子橋...似...乜條橋分開兩邊咁得意ge...唔知咩事的情況下...我揀左近水那邊(左手邊)行...過左橋...再行...又再見到條橋...再過...行行下...咦...返到客棧了...源來我經己繞左一個圈...返到客棧....五點半...等下...等到六點再去食飯...同老闆傾下計...問下有咩好食...佢就推荐左我去一間叫"老品芳"的地方...話又平又好食wor...咁我準時六點就去食啦...行左十分鐘咁上下...(今次過左永寧橋...唔源河行,走左去東街...河果邊係西街)...西街又有第條河...行到東街時再一次發現呢個事實...就係黎到西塘...真係唔使帶傘...因為西塘的源河步上...全部都有檐..好可惜係我去的日子冇落兩...唔係一定好正...煙雨濛濛...不過而家個肚響緊...唔得閒咁有詩意住...入左去食野先...入到去...一口吃叫左三個餸...本來有五個想食...不過一定食唔晒...叫住三個先...分別有炒田螺,鱔糊...同埋一個西塘特色...鰟鮍魚(咩黎??)原來係一種好似金魚仔咁ge物體...個田螺...真係....唔識講...不過比阿康的好食千百陪....個鱔糊...仲得人驚...好食到停唔到口...而個xx魚...由於佢係全油炸...我喜好不大...炸到冇乜魚味...so....三大個餸...白飯任何...你仲下要幾錢...聽真係...只係...29rmb....有魚有肉...平到丫....食飽飽...就出去行下...係呢個時候...出面的燈籠...己經完全亮了....^^......下回繼續

一個人悶悶地冇事做...所以走左去西塘...由宿舍出發...去到西塘...一共用左三大粒鐘...一入到去...果感覺同朱家角同周莊完全係兩回事...朱家角同周莊可以算係一個幾商業的旅遊區...而西塘...基本上係一個住宅區...街頭到街尾...都係乜乜客棧...因為去西塘的人...都多數會係果度住一兩晚...點解呢...原來係因為果度真係好悠閒...好寧靜...

    去到西塘...坐三輪車入去古鎮...因為個車夫話可以唔使門票帶我入去...仲幫我搵埋住的地方...不過我自己之前都係網上睇過..揀好住邊度...佢只係負責帶路...西塘d路同周莊唔同...窄好多...一架三輪車差唔多可以霸晒成條路...車夫同我講...西塘有三多...古宅...小橋...弄...古宅就唔使講啦...西塘入面好似冇一間野外表唔係木...唔係話佢差...而家話佢好有風味...全部都係古宅...而弄...真係多到得人驚...行幾步就有一條...源住大街行...一邊的弄係離開西塘...一邊係行去河邊...而大部份客棧都係臨河的...我去到之前揀好果間...不過佢冇臨河房...所以個老闆就叫左我去隔離果間...我揀左間臨河的房...入面設置都ok ga...木台木凳木床...真係幾古老...連個窗都係古老的木雕...從窗望出去就係西塘最主要的河同埋鳳來送子橋...個view...幾靚...老闆話到晚夜河邊的燈籠會着...到時仲靚...其待緊...當我放低d野...望望個錶...四點咁上下...坐係河邊飲下茶...慢慢再去行下....望住呢個環境...俾d風吹住...睇住d楊柳郁郁下...心情都靚晒...

 

                                                                                                                  ----待續

而家報時訊號係一早5:32分...我並唔係咁早就起左身...係從尋晚到現在都訓唔着...無論用咩姿勢...碌左幾耐...都係訓唔着...個心硬係好煩咁...有時合埋眼一陣...又醒一醒...覺得出面好嘈...唔知係咪錯覺...點幾鐘出面個地盆都仲好似開緊工咁...好嘈...唉...激死...慢慢...開始聽到有雀仔聲...唔使望錶都知...我又一日見證住天光...起身坐一坐...唔知做乜...落黎開住部腦...唔知想點...諗下野...自己一個人一間屋經己好幾日...都係唔慣...好悶...好孤獨咁...呢幾日...什至呢半個月...心情一直好煩燥...訓唔到...日頭又無所事事...身邊的人都各有各忙...而我...繼續漫無目的咁過日子...慢慢變得好似討厭所有人咁...對住任何人都好似發脾氣...或者仙講得啱...我並唔係真係唔開心...只係想有人關心啫...我好似越黎越怕孤獨...比以前更怕...我幾時變得咁依賴人ga...幾時變得...剩低自己一個就生活唔到ga...呢個都唔似我自己ge..大一的時候...我唔係一直都自己一個生活ga咩...兩年的時間...令我變得不會自己生活了嗎...我不想這樣...

4月7日...係上澳聯籃球賽決賽的大日子...財大對交大....上次初賽....我地險勝复旦1分....40:39...哈...我做教練...指指點點...幾有成就感....今次....pk啦..唔夠人....教練都要打...喂....咪玩啦....我好似小學之後就冇掂過籃球啦wor....咁點呀....打囉....仲有個李毅師弟...佢好似同我差唔多...一樣對籃球呢味野有d過敏...咁咪一齊死囉...不過....交大班人個個都好高wor...我地仲要得五個人...冇得休息....一開始...同房罰球得分...有個好開始...不過好快就俾人禁住得打...好弱ge我又一次表現出體能不足...跑幾步氣喘...防人防唔住...全場基本冇乜掂到個波...最威有一個截到人地個傳波...不過自己帶唔穩...出左界...頂...仲以為自己可以剷籃得分咁型tim...好明顯...上半場個執完全輸晒....到下半場...佢地出左兩個女仔...以為可以追下分....頂你...仆街丫...出術....有個女仔仲勁過我同李毅加埋...頂....下下crossover過人跟住起手...仲要穿針...你唔係下....玩野呀...我起手都未起過wor....有時幫手單擋下咁囉...好彩同房係咁剷籃搏到犯規咋...唔係內線邊夠你班杉玩呀...最後...我捱過了...雖然輸左...不過全場我都冇偷懶ga...跑足全場...防唔住都要防...同埋....偷左幾次波咁囉...不過...有三次失誤...師弟好難得傳波俾我...我太開心...唔知係咪傳俾我...仲考慮緊接唔接...就俾人偷了....仲有...四犯....0得分...0助攻...2籃板咁囉....再加...2抄截...1 block shot...冇啦...對於一個唔識打籃球的我....比沒有好啦....

這幾天心情一直有點暴燥,好小的事就覺得不爽...奇怪....

一個星期內....跟三個一直覺得蠻重要的人鬧得很僵...

其實也沒有鬧...只是我自己發的脾氣...自己一直以來都蠻重視她們...

所以也會覺得自己在她們心中還蠻重要的...不過...可能我早就不是了...

 

我是否自視過高...是我從來就不被重視...還是...只是我感覺不到...

曾經...我是一個不顧及人感受的人...因為一個人...我學會了體諒別人...

但這幾天...我好像又失去這個能力了...是我不體諒你...你...還有你嗎...

還是...我一直都把自己看得對你們太重要........

 

SORRY...zoe...syndiar...and...1218

规则:

1.由某个人发起,出一个题目

2.在自己的BLOG 中完成题目,然后点名另外7个完成同样的题目

3.另外的7个BLOG完成题目后再分别点名,依次类推

4.被点名的BLOG在完成题目时要注明被哪个BLOG点名

5.不可回传,加一条自己出的题

6.答案不能和上一次点你的那个一样

 

1.最近在看的电视?

沒電視看

2.最近在做的事情?

等食...等訓...等死...三等人

3.最近在吃的东西? 

粥...蘭州拉面... 

4.最近在看的报刊? 

澳門日報體育版 

5.最近关心的话题?

歐冠杯 

6.最近常去的地方? 

上海楊浦區國權北路80弄財大研究生公寓大門口攞外賣 

7.最近常想的异性?

哇...好多...數唔晒

8.最近最想做的事情?

去郭亮...等死

9.最近身体状况?

等死

10.最近理财情况?

收入大於支出 

11.对朋友最想说的话?

邊個陪我去郭亮 

12.对自己最想说的话?

唔好等死啦...做d有意義的事 

13.想一个减肥的良方?

冇得救...自殺...投過胎

14.记忆中做过最疯狂的事情之一?

在酒吧分開一對熱吻中的陌生鬼佬情侶...

15.喜欢K歌的程度?

一般般..人多時喜歡

16.最喜欢吃的食物?

除了不喜歡的

17.最喜欢看的书?

漫畫...龍狼傳... 

18.如果有100万,你会干什么?

 將100萬變1000萬

19.最喜欢的一句格言是?

干...他媽的

20.第一个男(女)朋友怎么认识的?

撘訕

21.怎样才能最快的实现自己的心愿?

流動乞兒...其實幾時都可以實現 。

22.怎么样才能不无聊?

自娛

23.在下一个周末最想和谁一起共进晚餐?

都係...好多....w...l...z...

24.圣诞节最想怎么过?

係挪威睇極光 

25.如果再活三天,你最想做的事情?

去北極等死 

26.你自己有没有幻想中的世界?

冇...唔幻想 

27.你幸福吗?

不太...因為...差d 

28.你印象最深刻的是什么事?

黃浦江睇雷雨

29.如果发生中日战争,你会做汉奸吗?

不知道...不了解情況

30.你最想去的地方是哪里?

北歐

31.爱情和婚姻是否是两个概念呢?

對...最愛的人一定不是跟你結婚那個 

32.人类存在的意义是什么,人活着的意义是什么?

搵值得自己生存的意義

33.最近一次让你感到伤感的事情是什么?

justin...睇到你的memo

34.在没有经济压力的情况下,喜欢自由自在甚至到有点懒散的生活还是繁忙充实却有压力的生活?

自由...流動乞兒

35.在你最伤心难过的时候,脑海中第一个会想到谁?

因應不同情況...

36.一个长得很帅你很爱他可是没有钱,一个你不爱的人可是很有钱,只能2选一,你会选择谁?

兩個都不選...會選一個愛我的人

37.如果你落难在荒岛,父/母(只有一个)、爱人、孩子这三者只能留下其一来陪伴你,你会选择谁?

都不要...唔想佢地陪我一齊受苦 

38.第一次打架什么时候啊?

玩的很小...真的...初中吧

39.会和你眼前的这个人结婚吗?(只对有另一半的人)

不一定

40.对出题者做个评价在心中是什么样的? 

出題者??michelle?...很強...不過有點傻

41.什么时候想结婚?

玩夠時

42.最难忘的生日礼物是什么?

22歲時ian送的... 

43.能接受情人吗?

唔明你問乜

44.当你喜欢上了你的同事,你怎么办?

追...

45.如何处理暧昧的关系?

唔識處理... 

46.觉得奥运,或者世博后房价会跌还是涨啊?

咁深...升呱

47.对未来另一半的智慧、相貌、身材、家世、性格做个排列(喜欢-->不喜欢)

性格...借慧...相貌...身材...家世 

48.《贞观长歌》中最喜欢哪个大臣?

咩黎ga

49.最讨厌的动物?

冇特別討厭 

50.你认识的最幽默的人是谁?为什么?

好似係....我自己

51.什么样的情况，你最无法容忍？

被人呃...唔受人重視 

 52.想象一下10年后的你?

流動乞兒??

到我問...你係一個愛別人更多的人...還是愛自己更多的人....

 

以下七位...睇到請知道自己被點名了...

ian...zoe...仙...longlong...牛... iris...tiara

"low

   躲不過離開呢個事實,留亦留唔住...

   係301.我搵到死黨既感覺,

   如果...如果你係HK人,我諗真係會

   同你出生入死咁結拜.我同你交情

   最深.所以極在乎你,呢種緣份

   真係可遇不可,為朋友,我係義無

   反顧的,你以後有咩事記得同我出聲!!"

 

    三年前一個好兄弟離開上海時留俾我的一張memo...當時好感慨....而家...亦好感慨...因為好快...就到我走啦...永遠都躲不過事實